1/2 Mittag8 : Y chësc dess ester leteratöra???

1/2 Mittag8 : Y chësc dess ester leteratöra??? La ligna de letöra Halbmittag, en cooperaziun cun la Lia di auturs y dles auturies dl Südtirol y la Biblioteca provinziala Dr. Friedrich Teßmann, vëgn inviada ia por l'otavo iade. De setëmber gnarál fat trëi incuntades, la sabeda dales 10 inant, cun letöres de tesć desvalis y discusciuns, pro n bun café cun brioche tla curt de letöra dla Teßmann. En chësc iade él tl zënter sorts de tesć che n'é nia gnüs scric por fins leterars, mo che vëgn lic dant sciöche leteratöra sön la paladina de Halbmittag. Al plü tert do publicaziuns desvalies de posts de Facebook tla forma de n liber o le pest nobel por la leteratöra a Bob Dylan éson gnüs lassura che al vëgn ince a se le dé leteratöra defora dai formac convenzionai. Eeva Aichner y Matthias Vieider, che á curé chësc program, é jüs a chirí leteratöra tla nia-leteratöra y á metü adöm n program de gran varieté y te de plü lingac. La pröma sabeda, ai 9 de setëmber, é dedicada al #storytelling: Michael Wittmann, scritur de tesć por reclam, che é gnü premié bele plü iadi, lí fora de sües campagnes publizitares, la ciantauturia Anna Carol presentëia na cerna de tesć de sües cianties, y scolares y scolars de scora elementara da Balsan nes lascia ciutié te süa "opera leterara". La sabeda, ai 16 de setëmber, vëgn tignida sot al moto #screentime: Monika Reitprecht che, sciöche auturia de tesć dla plata Facebook dles libraries de Viena, á arjunt n gran publich te biblioteca cun descriziuns de stories dla vita da vigni de, vëgn acompagnada da Matteo Jamunno y süa composiziun de rezenjiuns de Google che reverda Balsan. Le terzo contribut vëgn da studëntes y studënc dla Scora d'ert Cademia de Urtijëi che lí fora de chats de WhatsApp. Ai 23 de setëmber nen vára de sorts de tesć dl #worklife. Thomas Ogrisegg, svilupadú de software, lí fora di codesc de sü programs, l'architëta Astrid Steinwandter vá ite tles masses de tesć dla lege urbanistica y le consulënt de gastronomia Thomas Steiner porta dant menüs. Les matineés de letöra mët man dales 10.00 (entrada: dales 9:30) tla curt de letöra dla Biblioteca provinziala Dr. Friedrich Teßmann tla strada A. Diaz 8 a Balsan; sce al ess da ester burt tëmp gnaráres tignides tl salf de letöra. ______________________________ Bildmaterial: GoogleDrive Kontakte: SAAV: Joanna Voss office@saav.it Tessmann: Evelin Moschen evelin.moschen@tessmann.it Kuratorin: Eeva Aichner eevaaichner@hotmail.com Kurator: Matthias Vieider mv10@gmx.at