Jan
14
Liejer deplù
Lauré sperimentel
Dal 2012 iel tl Lizeum d'ert Cademia na sezion de Design. Pra la fasa de proietazion vëniel, cunscidran ncëries desvalives, purvà ora metodes per giaté idees y les reprejenté graficamënter. Gran pëis ti dan ala reprejentazion artistica tres l dessëni (tecnich), a modiei de lëur y en pert nce ala reprejentazion tres software. Tl lauratuere ie l lëur esperimentel l plu mpurtant: cun mauta, papier, carton, stiropor, mitel, drap y d'autri materiai vëniel purvà ora la cualiteies di materiai y laurà ora plu tematiches dl Design, che va da mobilia inovativa a ogec de or y arjënt. L assistënt tecnich tl lauratuere da marangon sopieia la sculees y i sculeies pra la realisazion. L vën sustenì l giaté na maniera de lauré y de reprejenté individuela.
