Pitura, plastica y scultura
Pra la sezion d'Ert figurativa giata la jëunes y i jëuni na formazion artistica generela, che stimulea l pensier critich, l'autocuscienza y la respunsabeltà per si identità, cossa che porta pro al svilup dla persunalità. Tres l se dé ju cun l'estetica se feji esperienzes sensorieles y gëura si potenzial creatif. La se trata de crì, purvé y refudé, de proieté y pensé tres, de costruì y lauré ora tres i mesuns artistics de pitura, plastica y scultura. Cun sensibeltà artistica se cunfruntea l spirt creatif cun la tematiches metudes dant.
