Program

Plan de piteda formativa

L plan trienel de piteda formativa (PTOF) descrij la finaliteies y i obietifs a chëi che nosta scoles uel ti jì do te si ativiteies didatiches, en cunscidrazion dantaldut dla formazion linguistica, artistica y culturela. L plan de piteda formativa cuntën l lëur dejëut ti ultimi ani, ativiteies y percursc en drova atualmënter y l pieta na vijion sun la scola dl daunì. Pra i elemënc de gran valuta toca interculturalità, nseniamënt trasversel, promozion di lingac, nseniamënt clil per nglëisc, mparé cooperatif, coche nce promozion dl ciamp dla materies tecnich-scientifiches y l mparé ora de scola.

Ntan i lëures per mëter ju chësc plan iel unì tëut en cunscidrazion nce i resultac giapei ora da plu valutazions internes metudes a jì ti ani de scola passei. Nsci iel stat mesun valorisé i obietifs y la ativiteies de scola n iede purvedes ora y che va bën y de pensé a formes y soluzions nueves ulache l ie unì ora l debujën de n mudamënt o de na inuvazion.