Mostra dla Scola Prufesciunela
Mostra
Scola prufesciunela per l’artejanat artistich de Urtijëi
Vernissage: 08.05.2024 da la 11:00
Orar dla mostra: uni di dala 16:00 – 19:00
Lunesc: stlut
La scola n mostra!
Unide a scuvri la mostra che la Scola prufesciunela de Urtijëi à urganisà chëst ann tl Tublà da Nives te Sëlva.
La mostra pieta ai studënc l’ucajon de mëter ora i resultac de si lëures, tla scultura tl lёn, tla decurazion pitorica, tl dessëni y proietazion, tl modelé tla mauta y ënghe lëures fac sun l computer tla materia de aplicazion di media nueves. Sëurapró saral da udëi lёures ziplëi dai jëuni dl curs de spezialisazion de scultura.
N valgun opres caraterisea nce l lëur de grupa te tlas.
Très i lëures de uni sort giaperёis n’idea de chël che nosta scola pieta dajan a vel un o l auter sculé l mesun de purtè a lum si talënt.
La Scola prufesciunela per l artejanat artistich ti nsënia ai studënc la tradizion rica dl artejanat de Gherdëina. Tl nseniamënt vën valorisedes la cumpetënzes tradiziuneles dl artejanat, la cunescënzes tecniches, la criatività artistica y nce la inuvazion.
Tla doi sezions dla scultura tl lën y dl depënjer tradiziunel/pitura decurativa possen arjonjer do l terzo ann l atestat de cualifica prufesciunela y do l 4. ann l diplom prufesciunel.
Do l 5. ann de scola, à i studënc l mesun de sustenì l ejam de Stat (l ejam de maduranza), che ti pieta la puscibltà de jì inant cun i studies tla universiteies y tl’academies desfrëntes.
Festa fin dl ann de scola 2024/25
A duc i nsenianc y sculeies n instá plën de surëdl y feries da culëures cun ngrum de ipirazions!
ZL-Abend
Repair - Cafe
Mostra "Hybrid"
Mostra dla Scola Prufesciunela per l artejanat artistich
Cademia & La Prufesciunela
Pratica te na mpreja
Udiënza genitores
