Dirijënta de scola

Care sculeies, genitores y vijitadëures de nosta plata web,

coche Dirijënta de scola Ve dei de cuer la bënunida ala homepage de nosta scola. A nëus nes fejel plajëi che cialëis ite y speron che pudëise giaté na idea de nosta scola o la informazion che chirëis.

L Lizeum d’ert Cademia y la Scola prufesciunela per l artejanat artistich ie doi scoles che – nce sce les à ravises storiches tradiziuneles – cëla de viers dl daunì, donca ala inuvazion.

Avané la criatività y se fé sies cumpetënzes per la vita ie la cosses plu mpurtantes dla scola, zënza desmincë sambën la materies singules. I lëures deberieda y i truep proiec metui n drova, nce de gra a cunlauradëures extrascolastics, ti dà a nosta scola na vivanda unica.

Te scola ti dajons mpurtanza a n tlima de bona crianza y de valorisazion dla persona, carateristiches che rate fundamenteles danter sculeies, chi che nsënia, genitores y cunlauradëures y che rate che sibe n elemënt fundamentel per judé do y dé n mpuls al mparé.

De biei saluc,
La Dirijënta de scola
Maria Teresa Mussner